「婚姻不是為了滿足別人 」阮兆祥18年愛情長跑之道：坦承跟對方說出心底話

現代愛情流行速食，來得快去得也快，就連已經結婚的伴侶都很容易因為種種原因而決定離婚，因此一紙婚書並不能完全地把兩個人牢牢栓著。而藝人阮兆祥就跟女朋友Crystal愛情長跑了18年，感情十分穩定，而且他笑言：「就算好多結咗婚又離婚的人，關係都不及我們這麼長久。」

Photo from Weibo

阮兆祥亦表示跟女朋友已經超越了戀人的關係，已經相處得像家人一樣，就算沒有結婚，兩家人都常常來往，互相關心。而他亦透露經營長久關係的關鍵：「大概係我哋咩都會講出口，唔使估估吓吧！」他續說：「例如買禮物，佢會開到口話想要啲咩，咁我又送到佢鐘意嘅禮物，又唔使估佢鐘意啲咩，初時一齊試過買咗啲禮物俾佢，擺喺度無用到，其實男人邊知女人鐘意啲咩、諗緊啲咩，不如直接啲要求仲好。」

Photo from Weibo

剛走在一起時兩人都有磨合期，但後來習慣了無論什麼事都坦承說出心底話，漸漸就建立出默契。祥仔說跟女朋友Crystal一起時很舒服，她不會無理取鬧，而且很多時，他沒有開口，Crystal已經知道他在想什麼、需要什麼，祥仔說：「好似我返到屋企，坐低唔出聲，佢就會斟杯水俾我，問我：『係咪攰呀？』呢啲位雖然好普通，但令我覺得好窩心。」

Photo from Weibo

長跑18年難免會起爭執，初初拍拖熱戀期過後每每爭執都是互不相讓、唇槍舌戰，但歲月漸漸把兩人的稜角磨平，在一起久了便會找到一個適合兩人處理爭執的方式：「依家當有意見不合，一感覺到大家啲火嚟緊，講嘢開始有啲骨，就會行開吓，等大家冷靜返落嚟，啖氣落咗就無事。」

Photo from Weibo

就算在外人眼中，如此有默契的一對應該走入婚姻之路，可是阮兆祥認為：「唔想因為其他人嘅期望而去結婚，我唔會為咗滿足其他人而去結一次婚俾人睇，結咗婚係咪會令兩個人覺得幸福咗呢？我又覺得唔會，呢18年嚟，我同女朋友關係好穩定，反而見到身邊好多人結咗婚好快又離婚，都無人嘅關係長過我哋。」這對情人18年來都留在彼此身邊，相守相依，就算沒有簽紙這回事，又有何分別呢？

Photo from Weibo

Text：POPLADY Editorial

Photo Source：Weibo