「不想讓女兒知道！」64歲金馬女配角金燕玲患上子宮頸癌 樂觀對抗病魔！

早前金燕玲在商台接受蘇施黃的訪問，並透露了今年確診患上了子宮頸癌，得知患病時更一度落淚表示：「過年前我流住眼淚染白頭髮，咁都要過年㗎！就算病，個樣都要好睇啲。」患病的她更擔心家人知道會憂心：「最初得阿蘇同我最好朋友關之琳知，我最唔想個女知，因為佢一定喊喊喊，好擔心我，我就仲擔心，咁會令我情緒好波動。」幸好後來金燕玲還是勇於對抗病魔，如今精神已經回復得不錯！

Photo from Facebook

金燕玲在年初做例行身體檢查時，驗出了子宮位置有癌細胞的活躍指數，醫生通知她有9成機會患上癌症，不過確實情況就要做刮宮進一步了解，但由於金燕玲嘅子宮頸過窄，難以進行刮宮手術。因此，金燕玲後來入醫院，接受全身麻醉，做內窺鏡檢查，才得知患上子宮頸癌。

Photo from Facebook

金燕玲又指，雖然是第一期但因為腫瘤太惡，所以不能微創手術，一定要一次過切除淋巴、子宮和盲腸。她於初五完成割除手術，後來並開始接受化療，期間金燕玲不但作嘔，連嗅覺同味覺都出現奇怪感覺。

不過她依然以正面態度對抗癌病，完成了第一次化療，下星期要做第二次化療，她說：「我要確定我身體夠強壯，唔夠強唔可以做，要延期。開刀都復原得七七八八，依家可以開始做伸展動作，但醫生話唔可以運動，怕出汗冷親，我喺屋企行，初初拉筋都拉唔到，因為傷口唔舒服，依家我可以拉筋仲可以跳兩步。我同自己講，雖然我病，但要用正面態度去對待，啲人見到你都唔會咁難受。」

Photo from Facebook

而金燕玲又表示已經準備好戴假髮：「我依家甩晒頭髮，可能下星期剃頭添！我同阿蘇講我每次化療後，我要上嚟一次同大家講經歷過啲乜，我甩緊頭髮，你見到甩會好驚，我心理已經準備咗，可以戴假髮同綁頭巾。」阿蘇又指她很正面，本來長頭髮的她，確診後第一件事就是去剪頭髮。

Photo from Facebook

Text：POPLADY Editorial

Photo Source：Facebook