［叱咤2018］謝安琪出道13年首奪叱咤女金含淚說：「曾經好灰心，好想休息，放低音樂。」

By PopLady on 02 Jan 2019

《2018年度叱咤樂壇流行榜頒獎典禮》於昨晚（1日）順利舉行，賽果已塵埃落定，而「叱咤樂壇女歌手」金獎就由出道13年的謝安琪首次奪得。而近年回歸樂壇的Kay當晚更奪得「我最喜愛女歌手」、歌曲獎加上與麥浚龍Juno的合輯獲至尊唱片，合共3.5個獎項成為當晚大贏家。

Photo from Instagram

自2005年加入樂壇的謝安琪，出道3年就以囍帖街為成名作，之後亦曾奪得叱咤樂壇女歌手銀獎，而十年後終於獲得金獎殊榮，可說是實至名歸。

Photo from Instagram

謝安琪領獎時在台上忍不住流淚：「好多謝你哋真係，其實我已經幾年冇去頒獎禮，我曾經真係好灰心，好想休息。我嘅音樂帶畀我好多難忘時刻，但好多時我唔識應付，我曾經真係想將我嘅音樂擺低。今日再一次面對頒獎禮，我一直都搵唔到好心態去享受頒獎禮，我真係好想享受台上表演，我一直搵呢個心態。噚日我真係豁然開朗，我覺得今日嚟到頒獎禮，望見所有人拎獎，我眼中冇睇到輸贏，作為做音樂嘅人，好多時睇到我哋台上嘅輝煌，接受祝福、掌聲，但係原來歌手幸福更多喺台下發生。今次好似今次同juno合作，有一個好想跟大家說的故事，那種腎上腺素急升的狀態，所有過程，每一個細節，自己點演繹，到去到自己作品，做rough mix，有radio mix，之後有final mix，之後拎去派台，每一次我覺工作人員唔係想打上榜，係想我哋嘅努力打出去。到做專輯，個個都好努力，設計、拍MV、訪問，所有事都係我哋嘅幸福。今日我望住大家，我睇到唔係輸贏，係睇到支持，多謝大家，衷心嘅感謝。」