陳國邦心臟血管阻塞拒治療，老婆羅敏莊擔心出絕招：利用群眾壓力！

羅敏莊最近在電台節目《Made in Hong Kong》開台時，在節目中公開表示，老公陳國邦原來早前入院接受通波仔手術，更一開始向聽眾報老公已平安：「他年紀大機器壞要維修，現在已回家休息。」令拍檔李志剛擔心陳國邦的健康，羅敏莊就順即回答：「他心臟有問題需通波仔，其實很多上年紀的朋友都需要，我在facebook放了一張令人安心的相。」更借老公的例子向廣大聽眾呼籲不要諱疾忌醫。

Photo from Instagram

羅敏莊亦有透露老公曾經不想接受通波仔手術：「我想講，如果有親人知道身體有問題，但佢唔想去做嗰樣嘢，咁你會點樣？佢知道咗，但話：『唔使啦，食吓藥就得，食中藥、跑吓步，食清淡啲，自己通番。』即係佢當心臟血管係一條渠，可以通得到。但你身為親人會點做，咁我就衰啲，採取利用群眾壓力方法，不斷話畀人知，佢塞咗唔去通，朋友就會畀壓力佢，因為通常啲人都係聽朋友講，我用呢個方法，迫佢昨日入廠維修，佢話如果我唔係不斷用外界力量迫佢，佢唔會去。」

Photo from Instagram

Photo from Instagram

後來李志剛更取笑陳國邦身在福中不知福，她就笑說：「佢覺得我好煩，噚日醫生問做乜唔一早去，點解咁驚？其實而家手術好先進好簡單，唔使麻醉，喺手插導管就搞掂咗，中途叫家人入去解釋點做，我仲聽到老公同醫生好大聲講笑，成個過程佢係清醒，而醫生血淋淋走出嚟同我講嘢，我唔敢望佢隻手，只係望佢塊面，我驚我會暈。老公通通吓問我呢樣嗰樣，佢好放鬆，瞓着咗覺。」最後羅敏莊叮囑大家：「有病嘅時候真係要面對，唔好逃避。」

Photo from Facebook

羅敏莊前晚上在社交平台facebook上載一張陳國邦在病床上精神奕奕的照片，並帖文：「維修成功！飲杯！」，隨即引來網民送上慰問，紛紛祝福陳國邦「早日康復，身體健康」。

Photo from Weibo

在節目中她更透露，當陳國邦知道身體出現問題時，認為不需要做手術，只要食藥、跑步和飲食清淡，心臟血管會自己康復，於是她就採取群眾壓力逼使陳國邦到醫院通波仔，更呼籲大家：「有病真的要面對，不要逃避。」

Photo from Instagram

歌手出身的羅敏莊曾任電台主持人，後來加入無綫做演員，亦因而在02年拍攝劇集《雲海玉弓緣》而和陳國邦結緣，他們相戀7年並於09年結婚，及其後在12年誕下女兒陳禎，機靈可愛的陳禎對鏡頭非常敏感，年紀小小已經常和父母出現幕前，更會一起接工作登台賣廣告。

Photo from Instagram

羅敏莊曾在訪問中提及，當年是她主動追求陳國邦，見到對方演戲時專面的一面，她就覺得老公很有吸引力，知道他喜歡喝奶茶，於是出動「奶茶攻勢」，最後成功打動陳國邦。

Photo from Instagram

而陳國邦亦曾在某一個訪問中提到，當年自己本身已有女友，因羅敏莊主動追求才變心，因為這位老婆，才令這位「浪子」有了成家立室的念頭，亦把脾氣暴燥的他調較成懂得自制的人。

Photo from Instagram

Text：POPLADY Editorial
Photo Source：mimilomanchong@Instagram，Weibo，Facebook